2011年6月10日 星期五

簡約生活

今日出去上環食午飯。飯腳D要求筆者勤力D寫網誌,以利佢工餘多點消遣,不過佢即時又栓後門:飯桌上有關佢公司高層權力鬥爭之事一律不可出街

返回荃灣基地之後,雖然已是下午三時,照例透過網絡重投大市。看到國內富豪宗慶後每日用150元這段文章,值得與D及各位分享:

點樣先係做大老闆嘅榜樣?住得豪、食得豪?統統唔係,缸湖中人如果想做大老闆,真係要學下娃哈哈集團主席宗慶後。

呢位祖國嘅首富白手興家,創立咗一個飲品王國,幾百億身家真係可以足夠佢使幾十世。不過宗慶後原來日常生活過得好簡樸,英國廣播公司記者同佢做咗一個訪問,宗慶後就透露,佢自己每一日都係大概花20蚊美金左右。無錯,係20蚊美金,即係大概150蚊港紙咁上下。而佢最大嘅嗜好就係抽煙同埋飲茶。
  
要累積財富,唔係單靠你搵幾多錢,更重要就係你點樣使錢。呢句真係理財嘅至理名言。《任盈盈,今日,經濟通》
筆者本身來自草根階層,又未有能力像先生那樣創出一番事業及財富,不過今年決定提早離開職場,除了是依靠「行之有效」的滾動式投資,奉行簡約生活是少不得,所以看到類似先生這種富豪這類言行,必定拿出來表揚表揚,也是對自家的鼓勵鼓勵。

至於其他人如何準備退休,或者提早退休生活,筆者節錄了下面資料(香港經濟日報,2010126A35)

莊漢輝(認可財務策劃師,47歲退休)

1.          大學畢業後,22歲開始投資股票及物業
2.          87年股災後,不再沾手衍生工具投資產品
3.          生活節儉,不追求名牌、名錶及名車
4.          投資藍籌及國企股、外幣、基金、不追求快速致富方法
5.          退休後仍投資,以跑贏通脹,但轉而投資風險較低的人民幣及地產股


黎鑑棠(某大機構前高管,60歲退休)

1.          退休前8年開始計劃退休生活
2.          逐漸減少支出,由過往每月10萬元降至3萬元
3.          換樓、搬近港鐵站,以節省交通開,減少用車
4.          退休前5年開始出任更多公職,退休後不會與社會脫節


你有打算未?

沒有留言:

張貼留言