展會敲定曼城連約盤(一) – 解決按揭就沒有問題

香港首富誠哥在2014年前後大舉投資英國和歐陸, 牽動好多香港人的心。朋友小愚夫婦視誠哥為投資榜樣, 於是亦計劃放眼海外。佢地不單止積極參加在香港舉辦的海外投資展覽會和上網搜集資料, 甚至親身跑去西班牙等地視察環境！

不看尤自可, 一看之下, 發覺世間美好事物何其多！小愚想投資好多項目, 奈何短期資金周轉是個問題。佢認為, 如果買樓的話,最好可以造到按揭, 一是減輕即時資金要求, 只要幾成樓款就可上馬, 二是其時英、歐貨幣匯價低處未算低, 如借錢買樓出租, 收租可支付供款及開支, 匯價再跌, 最多只涉及首期, 之後有能力可以「溝淡」或「溝貨」啊。

初時, 我地一幫人的知識和資料相當有限。海外樓盤展銷會的經紀說買樓可以造按揭, 但詳情欠奉。有的會給銀行聯絡人電話, 但未有項目在手, 又不知從何問起。直至有一日, 收到一間當時相當活躍的中小型經紀行H公司的電郵 – HSBC UK派出業務經理Mr Martin Cai講解《 英國按揭申請程序須知 》。我地一幫人都去聽！日期是2015年3月5日。

小愚回憶, Martin的演講十分動聽。佢覺得申請按揭好容易, 以為 Martin 有成 Team 人在香港為客戶辦事。事後才發現全部都要與英國那邊以電話 interview, 經過 5 個 call centre, 4 種英國地方方言的洗禮才完事, 還未說用了 6 個月才批出 -- 此是後話。

當時的利率相當低, 成功取得樓價75%的按揭, 只供利息(Interest only), 初始息率(Initial interest rate) 是2.79% (即是BoE+2.29%)。計一計, 付出首期之後, 隨時不必再付款, 如收到租, 日後可以用來去英國旅行時使用。

小愚決定買了, 當時H公司正在推銷曼徹斯特 ( Manchester ) 一個位於市區北端的連租約樓盤 Green Quarter。

溫馨提示

筆者與朋友均是業餘投資者，在此分享有關個人經驗，各位如對英國買賣樓手續，法律，稅務等有問題，宜向專業人士查詢。