冰凍之手: 9月 2020

New Islington, Manchester

而家回頭再講四年半前買樓故事, 希望各位不介意。

話說朋友胡生於2015年尾去到英格蘭北部辦一件私事, 由於辨理需時, 要在英北一個小鎮短住一段日子, 佢極希望順道一圓在英國的置業大夢。2015年英國還未舉行脫歐公投, 亦未推出買家額外印花稅, 樓市非常熾熱。可是, 事前胡生沒有想到, 花了一個月才在伯明翰 (Birmingham) 揀到一個不大合心意的二手單位。

有興趣了解胡生的伯明翰故事, 可按以下連結重溫 :

《激戰伯明翰(一)匯豐分拆成誘因》

http://icyhand.blogspot.com/2018/04/blog-post_30.html

到12月初, 胡生按計劃行程要離開英北小鎮了, 下一站是要去曼城以北的小城 Lancaster (蘭開夏) 辦另一件事。為了可以去 Manchester (曼城) 行一轉, 睇睇樓, 胡生選擇在離曼城不遠的 Liverpool (利物浦) 住三晚, 那就可以一次過遊覽幾個地方, 而不用日日拖住行李換酒店。

英格蘭北部

由於有伯明翰的經歷, 胡生已將「趁是次行程在曼城買樓」的期望勾銷了, 佢只想用雙腳行遍曼城, 為日後在網上揀樓打個基礎。胡生在幾個月前, 即是初到英北時, 去過曼城一趟了, 不過主要是去曼聯主場朝聖, 也在市中心 Arndale Centre 逛過一陣, 但對曼城並不熟識。今次行程, 暫定就是由 Liverpool 搭火車過來曼城最大的 Piccadilly Station, 然後以逆時針方向, 即是由南向東, 再向北和西, 環繞曼城市區一周。

曼城一日遊這一天, 天陰而無雨, 最宜步行。胡生事前在 Rightmove 上看到一個新樓盤在售, 位於曼城東邊的New Islington 。佢到了 Piccadilly Station 之後, 就打電話去問一問, 對方「竟然」說歡迎去睇樓。說「竟然」, 只是要反映在英國約睇樓的實況, 胡生試過在倫敦於正常營業時間內去某一個銷售中心, 去到才見到「今日休息」的通知。